Қирғизистон Миллий банки валюта айирбошлаш бюросига оид янги қоидаларни тасдиқлади. Унга кўра, 14 январдан мамлакатда валюта айирбошлаш шохобчалари мижозларнинг йирик ёки ностандарт амалиётларида уларнинг ҳужжатлари ва пул манбасини текшириш ҳуқуқига эга бўлади. Бу ҳақда 24.кг хабар берди.

Ушбу тартиб мамлакат фуқаролари ва хорижликлар учун тенг амал қилади. Регуляторнинг тушунтиришича, бу қарор даромадларни легаллаштириш ва молиявий жиноятларга қарши курашиш учун қабул қилинган.

Айирбошлаш шохобчалари учун жорий этилаётган мажбуриятлар:

• • - мижозларни, шу жумладан, чет элликларни ва уларнинг ҳужжатларини текшириш;
  • - маблағлар манбаини аниқлаштириш (зарурат бўлганда);
  • - йирик ва ғайриоддий операцияларга алоҳида эътибор қаратиш;
  • - шубҳали операцияларни тўхтатиб туриш ва бу ҳақда Қирғизистон Республикаси Миллий банкини хабардор қилиш;
  • - валюта айирбошлаш операциялари бўйича маълумотларни камида беш йил давомида сақлаш.