Goalpost нашри талқинига кўра, Ўзбекистон миллий терма жамоаси ва Англиянинг “Манчестер Сити” клуби марказий ҳимоячиси Абдуқодир Ҳусанов 2025 йилнинг Осиёдаги энг яхши ёш футболчиси деб топилди.

Goalpost овоз беришида у Аббос Файзуллаев (“Истанбул Башакшеҳир”, Ўзбекистон), Нестори Иранкунда (“Уотфорд”, Австралия), Марселино Фердинан (“Оксфорд Юнайтед”, Индонезия), Ли Ҳана Бом (“Мидтьулланд”, Корея), Али Жасим (“Комо” / “Ал-Нажма”, Ироқ) ҳамда Япония, Корея ва Австралиядан бошқа ёш номзодлар билан беллашиб, биринчиликни қўлга киритди.

Маълумот ўрнида, 21 ёшли футболчи 2025 йилнинг январь ойида “Манчестер Сити” сафига қўшилиб, Англия Премьер-лигасида ўйнаган илк ўзбекистонлик футболчига айланди. Июнь ойида эса у терма жамоа билан бирга Ўзбекистоннинг жаҳон чемпионатига йўлланмани қўлга киритишида муҳим ҳисса қўшди.