Ижтимоий тармоқларда бегона юртнинг ҳарбий тузилмаларига қўшилиш таклиф қилинган эълон тарқалмоқда.

Таъкидланишича, мазкур турдаги чақириқлар катта маблағ, бир марталик тўлов ва ойлик даромад каби ёлғон ваъдалар билан ниқобланган.

Эълон суратдаги аскар Марказий Осиё халқига ўхшатиб тасвирланган бўлиб, бу онгли равишда хатарли ва провокацион ҳаракатдан дарак беради.

Ачинарлиси, эълон тарқатувчилар, аввало, муҳтожларга, мусофирларга кўз тиккан.

Маълумот учун, Ўзбекистон қонунчилигига кўра, фуқароларнинг хорижий давлатларда ҳарбий ҳаракатларда иштирок этиши ёки қуролли тузилмаларда қатнашиши жиноят ҳисобланади ва бунинг учун жиноий жавобгарлик белгиланган.