Карабаев Адҳам Жакбаралиевич Янги Наманган тумани ҳокими этиб тайинланди.

Халқ депутатлари Янги Наманган тумани Кенгашининг навбатдан ташқари сессиясида Наманган вилояти ҳокими Шавкатжон Абдураззоқов кейинги йилларда Янги Наманган туманида олиб борилган ишлар, эришилган ютуқлар баробарида, ишга солинмаган имкониятлар ҳақида тўхталиб, одамларнинг бугунидан рози бўлиб яшашларига эришиш учун амалга оширилиши лозим бўлган долзарб вазифаларни белгилаб берган. Бу ишларни амалга ошириш учун эса туманга янги ҳоким зарурлиги таъкидланган.

Шу мақсадда, сессияда депутатлар Абдуллаев Жобир Шарифовични Янги Наманган тумани ҳокими вазифасидан озод қилиш ва туман кенгашининг депутатлик ваколатини муддатидан олдин соқит қилиш ҳақидаги қарорларни тасдиқлаган.

Вилоят ҳокимининг Карабаев Адҳам Жакбаралиевични Янги Наманган тумани ҳокими этиб тайинлаш тўғрисидаги қарори бир овоздан маъқулланган.