Оила ва хотин-қизлар қўмитаси томонидан ташкил этилган “Йил аёли” миллий танловининг республика босқичи ғолибларини тақдирлаш маросими бўлиб ўтди. Унда Каттақўрғон шаҳридаги “Anvarjon business invest” МЧЖ раҳбари Гулмира Жумаева Гран-при соҳиби бўлди ҳамда Ўзбекистон Республикаси Президентининг совғаси – автомобил билан тақдирланди.

Гулмира Жумаева узоқ йиллар давомида Россия Федерациясида меҳнат миграциясида бўлиб, чиқиндиларни қайта ишлаш корхонасида фаолият юритган. 2016 йилда Ўзбекистонга қайтиб, атроф-муҳит ифлосланишининг олдини олиш, аҳолидан чиқадиган маиший чиқиндиларни қайта ишлашга қаратилган фаолиятни йўлга қўйган. Айни вақтга қадар Гулмира Жумаева 5 та масъулияти чекланган жамиятни ташкил этиб, 450 га яқин ёшлар ва хотин-қизлар учун доимий иш ўринлари яратган.