Қашқадарё вилоят ҳокими Муроджон Азимовнинг қарори билан Янги йил байрами арафасида 134 нафар талаба хотин-қизнинг қарийб 1 млрд 128 млн сўмлик (жами 1 127 759 126 сўм) тўлов-контракт пуллари (2025/2026-ўқув йилида) тўлаб бериладиган бўлди.

Қарорда Қарши, Шаҳрисабз шаҳарлари, шунингдек, Ғузор, Деҳқонобод, Қамаши, Қарши, Китоб, Косон, Касби, Кўкдала, Миришкор, Муборак, Нишон, Шаҳрисабз, Яккабоғ туманлари ҳокимларига иловага мувофиқ “Аёллар дафтари” жамғармаси ҳисобидан маблағ ажратиши ва ажратилган маблағни белгиланган тартибда ўтказиб бериши кераклиги айтилган.

Вилоят ҳокими ўринбосари З. Аминовага мазкур қарорга асосан туман(шаҳар) “Аёллар дафтари” жамғармасидан ажратилган маблағни қонунчиликда назарда тутилган ҳолда ишлатилишини назорат қилиш вазифаси юклатилган.