«Ўзгидромет» хабарига кўра, бугун кундузи Ўзбекистон ҳудудига илиқ ва нам ҳаво массаларининг кириб келиши давом этади, республика бўйича ёмғир ёғади, шимолда ёғингарчилик (ёмғир, қор) бўлади, баъзи жойларда кучли бўлиши мумкин. Туман тушиши мумкин. Шамол 7-12 м/с тезликда эсади. Ҳарорат 5-10 даража илиқ, шимолда 0-5 даража илиқ бўлади.

Пойтахтимизда вақти-вақти билан ёмғир ёғади. Шамол 5-10 м/с тезликда эсади. Ҳаво ҳарорати 7-9 даража илиқ бўлади.

Тоғли ҳудудларда вақти-вақти билан ёғингарчилик (ёмғир, қор), баъзи жойларда кучли бўлади. Баъзи жойларга туман тушади. Шамол 7-12 м/с тезликда эсади. Ҳаво ҳарорати 2-7 даража илиқ бўлади.