Жорий йилнинг 16–21 декабрь кунлари Туркиянинг Анталия шаҳрида 9–17 ёшгача ўғил болалар ва қизлар ўртасида шахмат бўйича (рапид ва блитс йўналишларида) Жаҳон чемпионати бўлиб ўтди. 33 давлатдан 314 нафар спортчи иштирок этган мусобақада Ўзбекистон терма жамоаси 36 нафар иқтидорли шахматчи билан қатнашди.

Таъкидланишича, жами 12 та медални (5 та олтин, 2 та кумуш, 5 та бронза) қўлга киритган бўлиб ўзбекистонлик ёшлар умумжамоа ҳисобида 1-ўринни эгаллаган.

Медаль соҳиблари:

▪️ Омонов Асроржон (U17) — Рапид олтин;

▪️ Бегмуратов Ҳумоюн (U15) — Рапид олтин, Блитс бронза;

▪️ Олимова Руқия (U15 қизлар) — Рапид олтин;

▪️ Ҳалилова Мадинабону (U17 қизлар) — Рапид кумуш, Блитс олтин;

▪️ Комилжонова Лазизабону (U13 қизлар) — Блитс олтин;

▪️ Ботиралиэв Абдимажид (U13) — Рапид кумуш;

▪️ Ҳикматхонова Моҳинур (U13 қизлар) — Блитс бронза;

▪️ Ҳуснитдинова Ҳуснорахон (U11 қизлар) — Блитс бронза;

▪️ Абдуҳакимов Акбарали (U17) — Блитс бронза.