Университетлар ўртасида ҳамкорликни мустаҳкамлаш, талабалар ташаббусларини қўллаб-қувватлаш ҳамда турли даражадаги қўшма тадбирларни амалга ошириш мақсадида «Янги Ўзбекистон» университетида «Меморандумлар куни» тадбири ташкил этилди.

Тадбир доирасида «Янги Ўзбекистон» университети ҳамда 11 та етакчи олий таълим муассасаси Талабалар кенгашлари ўртасида ҳамкорлик меморандуми имзоланди. Ушбу келишув университетлараро ижтимоий, маданий, академик, спорт, айти ва стартап йўналишларидаги ҳамкорликни ривожлантиришни кўзда тутади.

Тадбирда университет раҳбарияти, ёшлар масалалари бўйича масъуллар ҳамда Талабалар кенгаши етакчилари иштирок этиб, талабалар фаоллигини ошириш, ташаббусларни қўллаб-қувватлаш ва тажриба алмашиш масалалари юзасидан фикр алмашди. Меморандум асосида қўшма лойиҳалар, ҳакатонлар, спорт мусобақалари, тренинглар, амалиёт ва стажировка дастурларини биргаликда ташкил этиш режалаштирилган.