Хатлов-2025 натижалари қатор жиддий муаммоларни кўрсатмоқда.

Маълум бўлишича, республика бўйича 52 фоиз мактабда мажлислар зали йўқ. 56 фоизи эса ошхонасиз. 95 фоиз мактаб ҳожатхоналари ҳанузгача ташқарида жойлашган.

Ўрганишларга кўра, 274 та мактаб қўлбола печь билан иситилиши аниқланган. 79 фоиз мактабда иситиш тизими кўмирга асосланган бўлса, 88 фоиз мактабда канализация мавжуд эмас.

Жами мактабларнинг 48 фоизида марказлашган сув таъминоти йўқ. 44 фоиз мактабда эса ногиронлиги бўлган болалар учун шароитлар етарли эмаслиги ойдинлашган.

Мазкур таҳлиллар таълим инфратузилмасини замонавийлаштириш муҳимлигини англатади.