Ўзбекистонда IELTS'дан 9 балл олган ёшлар сони 68 нафарга етди. Бу ҳақда Тошкент шаҳрида жойлашган Ёшлар ижод саройида иккинчи маротаба ўтказилаётган «Ўзбекистон ўқув марказлари» форумида айтиб ўтилди.

Хабарга кўра, 8,5-9 балл (C2 даража) олган ёшлар сони 2020 йилга нисбатан 47 бараварга ошган.

Таъкидланишича, 2020–2025 йиллар оралиғида IELTS имтиҳонидан 5,5 (Б2 даража) ва ундан юқори балл олган ёшлар сони 245,7 минг нафарни ташкил этган.

Маълумот учун, «Ўзбекистон ўқув марказлари» форумида республика бўйлаб 700 га яқин ўқув маркази вакиллари, таълим соҳасида катта тажрибага эга ТОП спикерлар, машҳур блогерлар ва таълим йўналишида контент яратувчи мутахассислар жамланган.