Ўзбекистон мактабларида қишки таътил 28 декабрдан бошланади. Бу ҳақда Мактабгача ва мактаб таълими вазирлиги маълум қилди.

Қайд этилишича, ҳукуматнинг 2017 йил 15 мартдаги 140-сонли қарорига мувофиқ, 2025-2026-ўқув йилида умумий ўрта таълим мактаблари ўқувчилари учун қишки таътил 28 декабрдан, (бошланғич 1-4-синфларда эса 27 декабрь — шанба кунидан) бошланади.

Таътил келаси йилнинг 10 январигача, яъни 14 календарь кунида давом этиши режалаштирилган. Дарслар эса 2026 йилнинг 11 январи якшанба куни бўлгани боис, III чорак учун 12 январдан бошланади.