Парламентдаги бюджет муҳокамаси доирасида Халқ демократик партияси фракция темир йўл соҳасига ажратилаётган 700 миллиард сўм субсидия масаласини ўртага ташлади. Улар бу пул нима учун кераклиги ва жамият қачон фойдага чиқиши ҳақида савол берди.

Ўзбекистон темирйўллари акциядорлик жамияти масъули «вагонлар эски, СССРдан қолган», «бу вақтинчалик норма», «кейин хусусийлаштириш бўлади» каби баёнотлар билан чекланган. Лекин фракцияга кўра, улар аниқ режалар, чора-тадбирлар ва муддатлар ҳақида жавоб кутган.

Шу сабабли фракция раҳбари Улуғбек Иноятов темирйўл раҳбариятидан шахсан келиб, батафсил ҳисобот беришни сўради.