Қашқадарё вилоятининг Касби туманидаги туғуруқхонада бир кунда уч нафар эгизак қизалоқ ва Фотима-Ҳусан исмли чақалоқлар дунга келди. Бу ҳақида «Дарё» нашри хабар берди.

Қайд этилишича, Фарангиз, Меҳрангиз ва Паризода исмли қизалоқлар Жамшид Сатторов ҳамда Муҳсина Суннатовалар хонадонида дунёга келган. Фотима ва Ҳусан исмли эгизак чақалоқлар тумандаги Аҳмедовлар оиласида туғилган.

«Эгизак қизалоқлар 2022 йилнинг 11 январь куни Хўжаҳайрон қишлоғида яшовчи Жамшид Сатторов хонадонида туғилган. Қизалоқлар муддатидан олдин туғилган бўлсада, аҳволи яхши. Айни кунда шифокорлар назоратида», – дейди Гулилайло Тугалова.