Жорий йилнинг 27 ноябрь санасидаги "Ўзбекистонда молиявий технологиялар соҳасини янада ривожлантириш тўғрисида"ги Президент қарори 28 ноябрь санасидан бошлаб кучга кирди. Ушбу қарор билан 2025-2026 йилларда молиявий технологиялар соҳасини қўллаб-қувватлаш дастури тасдиқланган.

Унга кўра, Марказий банк бошқаруви раиси Тимур Ишметовга 2025 йилнинг декабрь ойига қадар фуқароларга ойлик иш ҳақини оладиган банк ёки электрон ҳамён провайдерини мустақил танлаш ҳуқуқини берувчи чора-тадбирлар ишлаб чиқиш вазифаси топширилган.

Ҳужжатда қайд этилишича, ушбу чора тадбирлар чакана банк хизматлари ва тўлов хизматлари бозорида рақобатни рағбатлантириш мақсадига қаратилган.