Экологик қоидабузарликларга қарши курашиш жараёнида фаол қатнашган фуқаролар учун 15 фоиз рағбатлантириш тизими жорий этилди. Бу ҳақда Экология ва иқлим ўзгариши миллий қўмитаси раиси, Махсус комиссия раҳбари Азиз Абдуҳакимов маълум қилди.

Унинг сўзларига кўра, экофаол шахсларга Эконазорат ахборот тизими ва @эcоговузбот орқали юборилган мурожаатлар бўйича ундирилган жарима суммасидан 15 фоиз миқдорида рағбатлантириш суммаси ажратилади.

“Махсус комиссия ишларни давом эттиради ва аҳолини тезкор хабардор қилади. Энди навбат сизга! Камераларингиз ҳимоямиз қуролига айлансин! Ҳуқуқбузарликни аниқланг ва мукофотингизни олинг. Тоза ҳаво учун курашда биргамиз”, деди Абдуҳакимов.