Гонгконгнинг Тай По туманидаги йирик Wang Fuk Court турар жой комплексида йирик ёнғин содир бўлди, 4 киши вафот этган, деб ёзади CNN. Ичкарида қолган жабрланувчилар ҳақида ҳозирча маълумотлар йўқ.

Ёнғин аввалига беш баллик шкаладан учинчи даражали оғирликда деб баҳоланган. Бироқ зарарланаётган ҳудуд қамрови тезлик билан ортиб бориши туфайли ёнғин аввал тўрт, кейин эса энг кучли - бешинчи даражага етган.

Гонконг расмийлари пожар туфайли 10 нафар жабрланувчи шифохонага етказилгани ҳақидаги маълумотларни тасдиқлаган. Улардан тўрт нафари вафот этган, уч нафари оғир аҳволда, ва фақат бир нафар бемор аҳволи стабил экани маълум қилинган. Reuters жабрланганлар орасида ёнғин ўчиришда иштирок этган ўт ўчирувчи ҳам борлигини маълум қилган. Ёнғин хавфсизлиги департаменти маълумотларига кўра, ичкарида қолганларнинг аниқ сони бўйича маълумот мавжуд эмас.

Жаноб Вонг номи билан Reuters мухбирларига интервью берган фуқаро турмуш ўртоғи бинолардан бирида ёлғиз қолиб кетганини айтиб, кўз ёш яширолмаган.

Ёнғин бамбукдан бўлган искала (қурилиш нарвони) ва сеткани қамраб олган. Бамбукли искалалардан Гонгконгда асосан, бинолар қуриш ва реконструкция ишларида фойдаланилади.

Жорий йилда мамлакат расмийлари хавфсизлик нуқтаи назаридан давлат лойиҳаларида бундай ускуналардан фойдаланишни босқичма босқич тўхтатилишини маълум қилган эди.

Маълумот учун, Wang Fuk Court турар жой мажмуаси 2000 га яқин квартирага эга саккизта кўп қаватли блоклардан ташкил топган.