Кеча Республика Маънавият ва маърифат марказининг замонавий ўзбек ижодкорларини қўллаб-қувватлаш мақсадида ташкил этилган «Сўз» лойиҳасининг тақдимоти ва шеърий-концерт дастури бўлиб ўтди.

Унда таниқли ёзувчи-шоирлар, адабиётшунос олимлар, журналист ва блогерлар, шеърият мухлислари ҳамда кенг жамоатчилик вакиллари қатнашди. Шунингдек, шеърий кечага ҳамоҳанг тарзда рассом ЭлНур Эгамовнинг ўзлик, миллийлик, инсон руҳияти ва замон тенденцияларига қаратилган кўргазмаси ҳам ташкил қилинди.

Шеърий концерт давомида лойиҳа давомида иштирок этган ижодкорлар Ватан, она, миллат, халқ, жасорат ва муҳаббат ҳақидаги шеърларини турли кўргазмали, метафораларга бой чиқишлар билан ижро этишди.

Лойиҳа ёш ижодкорларни қўллаб-қувватлаш, уларнинг жасоратли, шижоаткор сўзларини кенг оммага етказишга қаратилган бўлиб, шоирлар иштирокида доимий равишда шеърий контентлар тайёрланиб, ижтимоий тармоқлардаги саҳифаларга жойлаб борилмоқда.

Фото: Собир МУҲАММАД