2025 йилнинг январь-сентябрь ойлари оралиғида Ўзбекистонга энг кўп россиялик сайёҳлар ташриф буюрган. Бу ҳақда Миллий статистика қўмитаси маълум қилди. 

Унга кўра, мазкур муддат оралиғида қарийб 1,4 млн нафар чет эл фуқаролари саёҳат мақсадида Ўзбекистонга ташриф буюрган. Бу кўрсаткич ўтган йилнинг мос даври билан солиштирилганда деярли 506 минг нафарга ошган.

Жорий йилнинг 9 ойида Ўзбекистонга саёҳат мақсадида келган чет эл фуқаролари мамлакатлар бўйича қуйидагича:

Россия — 269 158 нафар;

Туркманистон — 193 635 нафар;

Қозоғистон — 143 898 нафар;

Хитой — 117 864 нафар;

Қирғиз Республикаси — 114 005 нафар;

Тожикистон — 84 696 нафар;

Туркия — 50 976 нафар;

Италия — 32 635 нафар;

Ҳиндистон — 32 254 нафар;

Германия — 29 632 нафар;

Корея — 26 832 нафар;

АҚШ — 23 630 нафар;

Бошқа давлатлар — 255 855 нафар.