Тошкент ва Ашхобод ўртасида тўғридан-тўғри авиақатновлар қайта тикланади. Бугун, 17 ноябрь куни бўлиб ўтган Ўзбекистон ва Туркманистон делегацияларининг кенгайтирилган таркибдаги музокаралари бу бўйича келишувга эришилган.

Хабарга кўра, томонлар, шунингдек, Туркманбоши портини биргаликда ривожлантириш масаласини ҳам келишиб олган.

Бундан ташқари, икки давлат етакчилари гуманитар соҳа кўп қиррали алоқаларнинг мустаҳкам пойдевори эканлигига урғу берган. Урганч ва Тошкентда Туркманистон маданияти кунлари ва туркман фильмлари намойишлари муваффақиятли ўтказилганини таъкидлашди.

Ҳамкорлик суръатини сақлаб қолиш учун томонлар ўзаро концертлар ва театрларнинг ижодий сафарларини мунтазам равишда ўтказиш, Хивада Ёшлар форумини ташкил этиш ва биргаликда фильмлар ишлаб чиқариш амалиётини давом эттиришга келишиб олди.

Музокаралар якунида давлат раҳбарлари эришилган барча келишувларни амалга ошириш бўйича кенг қамровли «йўл харитаси»ни қабул қилиш юзасидан масъулларга топшириқ берди.