Бугун, 15 ноябрь куни бўлиб ўтган Олий Давлатлараро кенгашнинг иккинчи йиғилишидан сўнг Ўзбекистон ва Қозоғистон Президентлари йирик кооперация лойиҳаларини ишга тушириш маросимида иштирок этди.

Унда бир қатор лойиҳаларга старт берилди.

Жумладан, «Марказий Осиё» Халқаро саноат кооперацияси маркази ва «Тенге Банк»нинг Тошкентдаги янги бош офиси ишга туширилди.

Шунингдек, «Силкwай Central Asia» кўп тармоқли логистика маркази, чизиқли алкилбензол ишлаб чиқариш қувватлари, Янги Тошкентда «Остона» мавзеси ҳамда пойтахтларда «Тошкент» ва «Остона» меҳмонхона мажмуалари қурилиши бошланди.