Дам олиш кунларида Ўзбекистон ҳудудида қуруқ ва жуда илиқ об-ҳаво сақланиб туради. Бу ҳақда “Ўзгидромет” хабар бермоқда.

Прогнозларга кўра, 15—16 ноябрь кунлари ҳарорат кечаси 2-7 даража илиқ, кундузи 17-22 даража илиқ атрофида бўлади. Бу ноябрь ойининг ўрталари учун нормал (ўртача кўп йиллик) кўрсаткичлардан 3-5 даража юқори.

Жуда майин шамол шарқдан эсиб туради. Ёғингарчилик кутилмайди. 

Тошкентда ҳам ёғингарчилик бўлмайди. Ҳаво ҳарорати кечаси 4-6 даража илиқ, кундузи 18-20 даража илиқ бўлади.