Ўзбекистон Республикаси Президенти ҳузуридаги Истиқболли кадрларни тайёрлаш бўйича «Эл-юрт умиди» жамғармаси 2025 йил 2-очиқ стипендия танловини эълон қилди.

«Эл-юрт умиди» жамғармаси Бошқарув кенгашининг тегишли қарорига мувофиқ, нуфузли университетларда бакалавриат, магистратура ва докторантура дастурларида таълим олиш учун 2025 йил 2-очиқ стипендия танлови ўтказилади.

Танловда ғолиб бўлган стипендиатларнинг хорижий университетларда таълим олишлари учун барча харажатлар жамғарма томонидан қоплаб берилади.

Ҳужжатлар махсус онлайн платформа орқали 2025 йил 12 ноябрдан 26 ноябрга қадар (шу куннинг ўзида ҳам 23:59 га қадар) қабул қилинади.

Танловга оид маълумотлар жамғарма веб-сайти орқали эълон қилиб борилади.