Термиз шаҳридаги «Санъат саройи» мажмуасида ўтказилган маданий-маърифий тадбирда Ўзбекистон халқ шоири Усмон Азим, Сурхондарё вилояти ҳокими Улуғбек Қосимов, Ўзбекистон Ёзувчилар уюшмаси раиси, халқ шоири Сирожиддин Саййид, вилоят ижодкорлари, мутасаддилар, ёшлар ҳамда жамоатчилик вакиллари қатнашди.

Вилоят ҳокими атоқли шоирни Сурхондарё аҳли номидан табриклаб, унинг асарларида юрт гўзаллиги, халқ руҳи ва миллий қадриятлар чуқур ифода этилганини таъкидлади.

Вилоят ҳокими Улуғбек Қосимов ҳамда Ёзувчилар уюшмаси раиси Сирожиддин Саййид шоирга Президент совғаси – Термиз шаҳридаги 3 хонали уй калитини топширди!

Тадбирда ёзувчи ва ижодкорлар, ёшлар ҳамда жамоатчилик вакиллари шоир асарларидан намуналар ўқиди. Шу билан бирга, Усмон Азимнинг ҳаёти ва ижодига бағишланган видеолавҳалар намойиш этилди.