Бу ҳақда Президент Администрацияси раҳбари Саида Мирзиёева маълум қилди.

“Бугун Самарқандда янгитдан очилиши кўзда тутилган Болалар кутубхонаси концепцияси билан танишдим. У 1911 йилда барпо этилган тарихий бинода жойлашади. Тошкентдаги кутубхона сингари ушбу иншоот ҳам маданий ўзига хослиги ва давр руҳи сақланган ҳолда, эҳтиёткорлик билан реставрация қилинади.

 

Ушбу даргоҳ болалар, ўсмирлар, уларнинг ота-оналари ва устозлари учун чинакам ижодий масканга айланади. Лойиҳада инклюзивликка алоҳида эътибор қаратилган: кўзи ожиз ва заиф кўрувчи болалар учун аудиофонд ташкил этиш режалаштирилган”, деб ёзди у.

Кутубхона фонди ўзбек, инглиз ва рус тилларида жами 120 000 жилд китобни ўз ичига олади.