Ўзгидромет 14 ноябргача бўлган об-ҳаво маълумотини эълон қилди.

Унга кўра, бугун ва яқин кунларда Ўзбекистон ҳудудида аста-секин ҳаво ҳарорати кўтарилиши давом этади.

Ҳарорат 10-11 ноябрь кунлари кечаси ва эрталаб 0– +3 даража илиқ, кундузи +13– +16 даража илиқ бўлади.

Ҳафта ўртасидан бошлаб ҳаво ҳарорати кечки ва тонгги вақтларда +4-+7 даража илиқ атрофида бўлади, кундузи эса +17– +20 даража илиққача кўтарилади.

Республика ҳудудининг аксарият қисмида қуруқ ҳаво сақланиб туради. Фақат 10-11 ноябрь кунлари Тошкент вилоятининг тоғли ҳудудларининг баъзи жойларида ёғингарчилик (қор, ёмғир) ёғиши мумкин.

Тошкент шаҳрида ёғингарчилик кутилмайди. Ҳаво ҳарорати — 10-11 ноябрда кечаси +2– +4, кундузи +13– +16; 12–14 ноябрда — кечаси +4– +7, илиқ, кундузи +17– +20 даража илиқ бўлади.

Шамол шарқдан 3-8 м/c тезликда эсади.