Ўзбекистонда 2026 йилда «103» хизматида аҳоли учун «Онлине-шифокор» консультациялари тизими жорий этилади. Бу ҳақда ССВ хабар қилди.

Маълум қилинишича, шу йилнинг ўтган даврида соҳада электрон бошқариш тизими ишга туширилган. Бунинг учун 2,4 минг нафар диспетчер ўқитилган.

Натижада, мурожаат манзилларига кечикишлар сони 1,1 фоиздан 0,3 фоизга камайган. 2017 йилдан буён «103» хизмати шохобчалари сони 818 тадан 1680 тага, Тез ёрдам бригадалари 1648 тадан 2865 тага, битта чақирувга дори-дармон учун ажратилган маблағ эса 750 сўмдан 11 800 сўмга ошган.

Шунингдек, эндиликда тез тиббий ёрдам хизмати электрон тизимлари шифохоналар ҳамда бирламчи тизим муассасалари билан интеграция қилинади.