Президентнинг 2026–2030 йилларда кам учрайдиган (орфан) ва бошқа ирсий-генетик касалликларга чалинган болаларга тиббий ва ижтимоий ёрдам кўрсатишга қаратилган қарори қабул қилинди. Бу ҳақда Адлия вазирлиги хабар қилди.

Қайд этилишича, давлат бюджетидан бепул даволанадиган орфан ва бошқа ирсий-генетик касалликлар турини 5 тадан 10 тага етказилади, шунингдек, уларга чалинган болаларни дорилар, махсус овқат ва керакли тиббий жиҳозлар билан таъминлаш даражасини 95 фоиздан 99 фоизгача оширилади.

2026 йил 1 январдан шундай хасталикларга чалинган 18 ёшдан 21 ёшгача бўлган беморлар бепул тиббий кузатувда бўлади ва даволаниш ишлари давом эттирилади.