Ўзининг 10 йиллигини нишонлаётган Европа кинофестивали 7−9 ноябрь кунлари пойтахтда ва 12 ноябрь куни Термизда бўлиб ўтади. Бу ҳақда Европа Иттифоқининг Ўзбекистондаги ваколатхонаси хабар берди.

Фестиваль дастурига 12 та Европа давлатларидан лирик драмалардан тортиб, ўзликни англаш ҳақидаги илҳомлантирувчи ҳаётий танлов ва инсоний туйғулар ҳақидаги ҳикояларни ўз ичига олган 12 та фильм киритилган. Бундан ташқари, испан рақс санъати ихлосмандлари учун Aire Nuevo Danza (Испания) гуруҳи томонидан классик ва замонавий рақслар билан чиқишлар бўлади.

Шунингдек, тадбир давомида Франция Альянси томонидан Гёте институти ва Ўзбекистон Кино ихлосмандлари уюшмаси ҳамкорлигида «Авлодлар» мавзусида ҳаваскор қисқа метражли фильмлар намойишлари ўтказилиши кўзда тутилган.

Кинофестиваль Европа Иттифоқининг Ўзбекистондаги делегацияси томонидан, Ўзбекистонда аккредитациядан ўтган Европа Иттифоқига аъзо давлатлар элчихоналари билан ҳамкорликда, Ўзбекистон Маданият вазирлиги ҳузуридаги Кинематография агентлиги кўмагида ташкил этилади.

Намойишлар бепул тақдим этилади. Фильмлар асл тилида, ўзбек ва/ёки рус тилидаги субтитрлар билан тақдим этилади.

Тошкентдаги намойишлар қуйидаги дастур асосида, Миллий кино санъати саройи (Навоий кўчаси, 15)да бўлиб ўтади:

7 ноябрь

• 11:00 — «Jonja» / «Ёня» (Германия);
• 14:00 — «Амадео» (Португалия);
• 18:00 — «Roza of Smyrna» / «Смирналик Роза» (Греция).

8 ноябрь

• 11:00 — «Four Souls of Coyote» / «Чиябўрининг Тўрт Руҳи» (Венгрия);
• 14:00 — «Chasing Unicorns» / «Орзулар изидан» (Эстония);
• 18:00 — «Дивертименто» (Франция).

9 ноябрь

• 11:00 — «My Last Year as a Loser» / «Сўнгги йил» (Словения);
• 14:00 — «And the King Said, What a Fantastic Machine» / «Шоҳ ва Ажойиб Машина"(Швеция);
• 18:00 — «Carmen» / «Кармен» (Малта).

Термиздаги намойишлар дастури — Термиз кинотеатри:

12 ноябрь

• 11:00 — «Декадентас №2419» / «Декадент №2419» (Литва);
• 14:00 — «Gipsy Queen» / «Рингдаги Қиролича» (Австрия);
• 18:00 — «Дивертименто» (Франция).