Ўзбекистонда ноябрь ойи бошида ҳаво ҳарорати кескин пасайиши кутилмоқда. Бу ҳақда Ўзгидромет хабар берди.

Хусусан, 3 ноябрь куни Ўзбекистоннинг шимолий ҳудудларига, 4-6 ноябрь кунлари республиканинг барча ҳудудларига совуқ ва нисбатан нам ҳаво массалари кириб келади. Республика бўйича об-ҳавонинг кескин ўзгариши кутилмоқда.

3-5 ноябрь кунлари баъзи жойларда ёмғир ёғади, тоғолди ва тоғли ҳудудларда эса қорга айланади.

4-6 ноябрь кунларида эса ҳаво ҳарорати аста-секин пасаяди ва кечалари 0…+3 даражани ташкил этади, баъзи жойларда бундан ҳам совуқ бўлиши мумкин, кундуз кунлари ҳаво ҳарорати +8…+13 даражагача бўлади.