28-октябрь куни Сербия Республикаси Президенти Александр Вучич Ўзбекистонга расмий ташриф билан келган эди.

У президент Шавкат Мирзиёевни Стратегик шериклик тўғрисидаги шартномани имзолаш учун 2026 йилнинг биринчи ярмида ташриф билан Белградга боришга таклиф этди. Музокаралардан сўнг Сербия президентидан Ўзбекистонга амалга ошираётган расмий ташрифи хусусида фикр олинди.

“У буюк етакчи. Мен дунёда ҳеч кимни мақтамайдиган одамман, лекин айтишим керакки, у охирги йилларда халқи ва мамлакати учун қилган ишлари тарих китобларида ёзилади. Мен буни чин дилдан айтяпман... Айтишим керакки, у билан учрашувим менда катта таассурот қолдирди. Мен президентингиздан кўп нарсаларни ўргандим... У жуда меҳнаткаш инсон. Унинг халқи учун қилган меҳнат даражасига эриша олишимга ишончим комил эмас”, – дея таъкидлади Сербия президенти.