Бугун, 13 январь куни Ўзбекистон Республикаси Қуролли Кучлари ташкил этилганининг 30 йиллиги ҳамда 14 январь – Ватан ҳимоячилари куни муносабати билан пойтахтимизда Қуролли Кучлар тизимига кирувчи вазирликлар ва идоралар ҳарбий хизматчилари иштирокида ҳарбий-ватанпарварлик паради ўтказилди.

«Туркистон» санъат саройи майдонидан бошланган ҳарбий-ватанпарварлик паради Алишер Навоий, Шароф Рашидов, Ислом Каримов кўчалари бўйлаб «Халқлар дўстлиги» санъат саройига қадар давом этди. Мазкур парадда жами 1200 нафардан ортиқ куч тузилмалари вакиллари, ҳарбий оркестр жамоалари иштирок этди.

«Халқлар дўстлиги» майдонида эса ҳарбий оркестр, ҳарбий ансамбль ва таниқли санъаткорлар иштирокида концерт дастурлари бўлиб ўтди.