Ўзбекистон фуқароларида эндиликда ҳаж ва умра сафарларига онлайн тарзда навбатга ёзилиш имкони пайдо бўлди.

Дин ишлари бўйича қўмита ахборот хизмати хабарига кўра, талабгор 2 хил усулда, яъни Ягона интерактив давлат хизматлари портали www.my.gov.uz ва www.haj-umra.gov.uz сайти орқали электрон навбатга ёзилиши мумкин.

Мазкур портал фуқароларга уйдан чиқмасдан туриб ҳужжатларни расмийлаштириш, зарур ташкилотларга мурожаат қилиш каби бюрократик жараёнларсиз рўйхатдан ўтиш имконини беради. Лойиҳа ҳаж ва умра сафарларини ташкил этишда қулайлик, шаффофлик ва очиқликни таъминлашга қаратилган.