Таниқли CNN Travel портали дунёдаги энг сара 50 та нон турини эълон қилди.

Сайёҳлар орасида машҳур бўлган нашрнинг тақдим қилган рўйхатида ўзбек нони ҳам бор.

«Нақшлар, безаклар ва штамплар билан безатилган ўзбек нонлари — анъанавий тандирларда тайёрланади.

 

Ўзбек нонлари ҳудудга қараб турлича бўлади: Тошкентнинг юмшоқ нонларидан тортиб Самарқанднинг патир нонларигача. Нонлар тандирдан олиниши биланоқ, дарҳол бозор ва чойхоналарга иссиқ ҳолда етказилади», дейилади хабарда.

Рўйхатга, шунингдек, Афғонистоннинг «балони»си, Арманистоннинг «лаваш»и, Эроннинг «сангак»и, Туркиянинг «симит»и ҳам киритилган.