Тарас Шевченко кўчаси 20 октябргача транспорт воситалари ҳаракати учун ёпилади. Бу ҳақда Миробод тумани ҳокимлиги хабар берди.

Ушбу саналарда Тарас Шевченко кўчасида гастрономик-кўнгилочар фестиваль ўтказилади. Шу муносабат билан:

- Тарас Шевченко кўчасининг Фидокор кўчаси кесишмасидан Нукус кўчаси кесишмасигача,
- Саййид Барака кўчасининг Ойбек кўчаси кесишмасидан Амир Темур шоҳ кўчасигача бўлган қисм 16 октябрь соат 16:00 дан 20 октябрь соат 07:00 гача барча транспорт воситалари ҳаракати учун ёпилади.

Кўрсатилган даврда муқобил йўналишлардан фойдаланиш тавсия этилган.