2025-йил апрель ойидан бошлаб Ўзбекистонга ҳар ойда 1 миллиондан ортиқ хорижий турист келмоқда. Бу мамлакат тарихидаги рекорд кўрсаткич ҳисобланади.

Жорий йилнинг тўққиз ойида Ўзбекистонга 8,6 миллиондан ортиқ хорижий турист ташриф буюрди, бу эса ўтган йилнинг мос даврига нисбатан 112,5 фоизга кўпдир.

Ушбу кўрсаткич давлатлар кесимида – 2025-йилда пост-пандемик 2022-йилга нисбатан туристлар оқимининг ўсиши Британиядан 2,6 баравар, Қатардан 6,2 баравар, АҚШдан 3 баравар, Франциядан 2,9 баравар, Россиядан 2,1 баравар, Венгриядан 3,3 баравар, Германиядан 2,5 баравар, Полшадан 6,2 бараварга етди. Шунингдек, 2025-йилда туристик хизматлар экспорти ҳам рекорд даражага — 3,6 миллиард АҚШ долларидан ошди.