Ўзгидромет 17 октябргача бўлган об-ҳаво маълумотини эълон қилди.

Унда ёзилишича, иш ҳафтаси давомида Ўзбекистон ҳудуди бўйича қуруқ ва илиқ об-ҳаво кузатилади, фақат энг чекка шимолий ҳудудларда 14 октябрь кунлари қисқа муддати ёмғир ёғади.

Ҳарорат фони кечалари +10– +13 даража атрофида, баъзи жойларда +15 даражагача, кундуз кунлари +25– +28 даража, жанубда +30– +33 даражагача бўлади.

«Бу ўртача иқлим меъёридан юқоридир», дейилади хабарда.

13-14 октябрь кунлари шимолда ва чўл ҳудудларининг баъзи жойларида шамол тезлиги 13–18 м/с гача кучайиши, айрим жойларда чанг-тўзонлар билан кузатилиши мумкин.

Тошкент шаҳрида ҳаво бироз булутли, вақти-вақти билан ўзгарувчан бўлади, ёғингарчилик кутилмайди. Шамол шарқдан 3–8 м/с тезликда эсади. Ҳарорат асосан кечаси +10– +13 , кундузи +25– +28 даражада бўлади.