2026 йил учун стажёр-тадқиқотчилик, таянч докторантура ва докторантурада ўқитиш бўйича қабул квотаси тасдиқланди, деб хабар берди Инновацион ривожланиш агентлиги.

Бунда илмий кадрлар тайёрлашнинг устувор йўналишлари инобатга олинган. Барча йўналишларга 5300 та квота ажратилган бўлиб, шундан 4094 таси таянч докторантурага тааллуқли бўлса, 714 таси докторантура ва яна 398 таси стажёр-тадқиқотчи йўналишларига берилган.

Шунингдек, мақсадли докторантурага (DSc ва PhD) ҳам 76 та ўрин ажратилган.

Хабарга кўра, олий таълимдан кейинги таълимнинг барча шакллари ва стажёр-тадқиқотчилик учун ҳужжатлар қабули 2025 йил 5 ноябргача давом этади.