2025-йилда адабиёт бўйича Нобел мукофоти венгер ёзувчиси Ласло Краснахоркаига “қиёмат даҳшати шароитида санъатнинг кучини яна бир бор тасдиқлаган ишончли ижоди учун” берилди.

Венгриялик ёзувчи Ласло Краснахоркаи “қиёмат даҳшати шароитида санъатнинг кучини яна бир бор тасдиқлаган ишончли ва башоратли ижоди учун” 2025-йилда адабиёт бўйича Нобел мукофоти совриндори бўлди.

“Краснахоркаи Ласло — Кафка ва Томас Бернхардга бориб тақаладиган Марказий Европа анъаналарига мансуб буюк эпик ёзувчи”, — дея таъкидлади Нобел қўмитаси.

Ласло Краснахоркаи 1985-йилда “Сатанин тангоси” романи нашр этилгандан сўнг машҳурликка эришган. Унинг бошқа машҳур романлари орасида “Қаршилик меланхолияси” ва “Уруш ва уруш” бор. Краснахоркаи 2015-йилда Халқаро Букер мукофоти совриндори ҳам бўлган.

Тинчлик мукофоти лауреати 10-октябрь куни эълон қилинади. 1969-йилда Швеция Банки томонидан таъсис этилган, Алфред Нобел хотирасига бағишланган иқтисодий фанлар бўйича мукофот 13-октябрь куни топширилади. Лауреатларни тақдирлаш маросими 10-декабрь куни Стокголмда (Швеция) бўлиб ўтади.