“Ўзгидромет” дам олиш кунларида Ўзбекистонда қандай об-ҳаво бўлиши ҳақида маълумот берди.

Айтилишича, дам олиш кунларида Ўзбекистон бўйича илиқ об-ҳаво сақланиб туради, ёғингарчилик кутилмайди, фақат 10-октябрда эрталаб Фарғона водийси вилоятларида баъзи жойларда бироз ёмғир ёғиши мумкин.

Ҳаво ҳарорати кундузги вақтларда 23-28 даража, жанубда ва чўл ҳудудларида 29-30 даражагача кўтарилади. Энг илиқ ҳаво шанба куни бўлади, кундузи 28-30 даражагача, жануб ва чўл ҳудудларда 32 даражагача кўтарилади. Кечаси 10-15 даража атрофида бўлади.

10-11-октябрда шимолда шамол тезлиги 13-18 м/с гача кучайиши, айрим жойларда чанг-тўзонлар билан кузатилиши мумкин.

Тошкентда: ҳаво асосан бироз булутли бўлади, ёғингарчилик кутилмайди. Шамол шарқдан 3-8 м/с тезликда эсади. Ҳарорат:

– 10-октябрда 24-26 даража;

– 11-октябрда кечаси 10-12 даража, кундузи 26-28 даража;

– 12-октябрда кечаси 12-14 даража, кундузи 26-28 даража бўлади.