Санитария-эпидемиология қўмитаси болани эмлатгандан сўнг қанча вақт поликлиникада қолиш кераклиги бўйича тавсия берди.

Таъкидланишича, эмлангандан кейин поликлиникада узоқ вақт бўлиш тавсия этилмайди, чунки турли хил юқумли касалликларни юқтириб олиш хавфи ошади.

«Одатда, шифокор эмлашдан кейинги реаксиялар пайдо бўлса, ўз вақтида ёрдам кўрсатиш мақсадида 30 дақиқа кутиб туришни таклиф қилади, бу вақтда даволаш-профилактика муассасаси ичида эмас, балки атрофида кутиб туриш мақсадга мувофиқ», дейилади хабарда.

Тавсияга кўра, болани қалин кийинтирмас керак. Сабаби, поликлиникага келган вақтида бола терламаган бўлиши лозим. Агар терлаган бўлса, барча иссиқ кийимларини ечиб, боланинг тери қотишини кутиш керак.

Болага шарбатлар бериш ҳам мумкин эмас, боиси шарбатлар эмлашдан кейин организмнинг қарши курашишини кучайтириб, вакцинага кўникишини узоқлаштиради.

Агар бола кучли терлаган бўлса, боланинг танасини илиқ сувга ботирилган сочиқ билан, кейин қуруқ сочиқ билан артиб, танада намлик қолмаслигини кутиш керак.

Тана ҳарорати одатдагидек бўлса, болани ҳар доийимдагидек чўмилтириш мумкин.

Эмлаш олгандан кейин (одатда 3 кун) кўп одамлар йиғиладиган жойларга бориш, кўпчилик билан бирга бўлиш тавсия этилмайди.

Болани меҳмонга олиб бормаслик лозим. Уйга ҳам меҳмон таклиф қилмай турган маъқул. Боғчага 2 кунгача олиб бориш тавсия этилмайди, агар бола ўзини яхши ҳис қилса қўрқмасдан олиб бориш мумкин.

Бола эмлаш олгандан кейин аниқ юқумли касалликлар белгилари — йўтал, акса уриш, ич кетиши ва бошқа аломатлари бўлган одамлар билан мулоқотда бўлишининг олдини олиш керак. Чунки боланинг касалланиш эҳтимоли жуда юқори бўлади.

Эмланган болани тинчлантириш учун, кўпроқ суюқлик бериш, кўпроқ вақт ажратиш, уни ўйнатиш, ҳаракатларини маъқуллаш, яхши гапириш ва меҳрибон бўлиш кераклиги айтилади.

Эмлашдан кейин болани албатта қорнини тўйдириш керак, нафақат вақти бўйича, балки талабига қараб сўраган вақтда.

Агар болада эмлашдан кейин ҳарорат кўтарилса, унга иссиқ туширувчи дорилар бериш керак. Тана ҳарорати юқори бўлса, ҳаво ҳарорати юқори бўлмаган хона шароитини яратиш лозим. Эмлашдан кейин бола инжиқлик қилмаса, уйга кетишни сўрамаса, тоза ҳавода сайр қилдириш тавсия этилади.