Президент қарори билан Туризм ва спорт вазирлиги тузилмасига ўзгартиришлар киритилди. Бу ҳақда «Нигоҳ» телеграм канали хабар берди. Унга кўра:

- туризм ва спорт вазирининг оммавий спортни ривожлантириш бўйича ўринбосари лавозими жорий қилинди. Шу муносабат билан туризм ва спорт вазирининг оммавий спортни ривожлантириш бўйича маслаҳатчиси лавозими тугатилди;

- туризм ва спорт вазирининг зиёрат туризмини ривожлантириш бўйича маслаҳатчиси - Зиёрат туризмини ривожлантириш департаменти бошлиғи лавозими жорий қилинди. Шу муносабат билан туризм ва спорт вазирининг зиёрат туризмини ривожлантириш бўйича ўринбосари лавозими тугатилди.