Ер сайёрасида сўнги 10 соатдан буён "қизил" хавф даражасидаги кучли магнит бўрони кузатилмоқда. Бу ҳақда климатолог Эркин Абдулахатов хабар берди. Унга кўра, бу вақт оралиғида 8 баллик қўзғалишлар ҳам бўлган.

Интерфакс нашрида таъкидланишича, бугун тонгда 5 баллик шкала бўйича G3+ даражали магнит бўрони қайд этилиб, бу сўнгги уч ой ичидаги энг кучли даража ҳисобланади. Бунинг натижасида жорий 30 сентябрь тонгида қутб атрофидаги ҳудудларда шимол қутб ёғдулари ҳам кўринган.

Бундай кучга эга магнит бўрони сўнги марта жорий йилнинг 1 июнь куни кузатилган.