Сурхондарёда ақидапарастлик ғоялари билан йўғрилган маърузага лайк босган йигит 3 йилга қамалди. Бу ҳақда вилоят суди матбуот хизмати хабар қилди.

Қайд этилишича, судланувчи У. А. ўз телефонида “Одноклассники” мессенжери орқали 2019-йилда Абдуллоҳ домла, яъни Абдуғани Умаровнинг “Жаннатга ошиқлар” номли ақидапарастлик ғоялари билан йўғрилган маърузасига лайк босиб, виртуал дўстларига тарқатган.

Жиноят ишлари бўйича Қумқўрғон туман судининг 2025-йил 1-июлдаги ҳукмига кўра, фуқарога 3 йил муддатга озодликдан маҳрум қилиш жазоси тайинланган. Жазони умумий тартибли колонияларда ўташ белгиланган.

“Судланувчи У. А. томонидан содир этилган мазкур жиноят оғир турга мансублиги туфайли унга нисбатан озодликдан маҳрум қилиш билан боғлиқ бўлган жазо тайинланган”, дейилади хабарда.