Uzbekistan Airways Намангандан Россиянинг 8 та шаҳрига «тўлиқ эконом» форматида парвозларни бошлайди. Бу ҳақда авиакомпания матбуот хизмати хабар берди.

Қайд этилишича, 2022 йил 30 январдан бошлаб Uzbekistan Airways Express ҳаво кемаларида «тўлиқ эконом» форматида Намангандан Москва, Перм, Самара, Омск, Оренбург, Иркутск, Краснодар ва Екатеринбургга тўғридан-тўғри авиақатновларни амалга оширади.

Илк авиақатнов 30 январь куни Uzbekistan Airways Airbus 320 ҳаво кемасида тўғридан-тўғри Намангандан Пермга амалга оширилади.

Хабарда таъкидланишича, Намангандан Пермга 1 миллион 656 минг 217 сўмдан бошлаб саёҳат қилиш мумкин бўлади.