Ўзбекистонга коронавируснинг “Omicron” штамми кириб келгани муносабати билан мактабгача таълим ташкилотларида вақтинчалик чекловлар ўрнатилади. Бу ҳақида Мактабгача таълим вазирлиги ахборот хизмати хабар берди.

Қайд этилишича, давлат мактабгача таълим ташкилотларида байрам тадбирлари ўтказилиши вақтинчалик чекланади.

Шунингдек, ташкилотга ота-оналар ва ташқаридан меҳмонлар киришига йўл қўйилмайди (зарур вазиятларда сўнгги уч кунлик ПСР тести ва эмланганлиги ҳақида сертификати бўлиши лозим);

– йиғилишлар ўтказилиши чекланади, зарур ҳолларда йиғилишларни видеоконференсалоқа режимида ўтказиш чоралари кўрилади;

– мазкур чекловнинг бузилишига йўл қўйилган тақдирда тегишли тартибда жавобгарлик чоралари (ҳайфсан, жарима ва б.қ.) қўлланилади.