Республика Маънавият ва маърифат маркази ҳамда Божхона институти ҳамкорлигида “Таъзим қилинг она Ватанга!” мавзусида маданий-маърифий тадбир ташкил этилди.

Тадбирда институт бошлиғи Восиджон Эргашев, марказ бўлим бошлиғи Махфират Зикирова, “Маърифат” тарғиботчилар жамияти аъзоси Сайёра Тўйчиева сўзга чиқиб, мустақиллик йилларида ҳар қандай таҳдид ва хатарларга муносиб зарба беришга тайёр миллий армиямиз халқимизнинг ишончли ва мустаҳкам қалқонига айлангани, мард ўғлонларимиз эл-юрт осойишталигини таъминлаётганини таъкидлаб ўтишди.

Мудофаа вазирлиги ашула ва рақс ансамблининг солисти, подполковник Марат Ҳакимов ҳамда “Ветеран” жангчи фахрийлар бирлашмасининг “Ватанпарвар” жамоаси бадиий раҳбари Алишер Ҳамроев томонидан ватанни мадҳ этувчи куй-қўшиқлар ижро этилди.