Пойтахтимиздаги “Ўзбекистон” халқаро анжуманлар саройида Президент Шавкат Мирзиёевнинг тадбиркорлар билан очиқ мулоқоти давом этмоқда. Унда мамлакат раҳбари юртимизда 1.5 миллион тадбиркор фаолият юритаётгани, улар 5 миллион кишини иш билан таъминлаганини эътироф этди.

— Бугунги мулоқотга тайёргарлик даврида, кўплаб савол ва таклифлар тушганлиги сабабли, мурожаатларнинг қабул муддатини 1 августдан 10 августга қадар, яъни 10 кунга узайтиришга мажбур бўлдик.

Тадбиркорлардан 15 мингдан ортиқ савол, таклиф ва ташаббуслар келиб тушди ва шу кунгача, жойларда уларнинг кўпчилиги ҳал этилди, – дея таъкидлади Президент.