Россия «Сибир» авиакомпаниясининг Москва – Қарши йўналишида СБ-И3313 рейсини амалга ошираётган самолёт соат 01:42 да Урганч халқаро аэропортига фавқулодда қўнган.

Қайд этилишича, бунга йўловчилардан бири – Тожикистон фуқароси тез тиббий ёрдамга муҳтож бўлгани сабаб бўлган. Дастлабки маълумотларга кўра, эркак аппендицит бўлиши тахмин қилинган. Шу боис экипаж самолётни энг яқин аэропортга қўндиришга қарор қилган.

«Аэропортга қўнгач, йўловчи тез ёрдам машинасида Урганч шаҳридаги тиббиёт муассасасига етказилган. С7 Airlines самолёти эса маҳаллий вақт билан 02:31 да Қаршига учди», дейилади хабарда.