Айни пайтда пойтахтимиздаги Ўзбекистон анжуманлар саройида Президент Шавкат Мирзиёевнинг тадбиркорлар билан очиқ мулоқоти бошланмоқда.

Учрашув олдидан иқтисодиётимизнинг равнақ топиши ва юртимиз барқарор ривожланиши, ишбилармонлик муҳитини яхшилаш, республиканинг экспорт салоҳиятини ошириш, янги иш ўринларини яратиш, бюджет барқарорлигини таъминлаш ҳамда аҳолини ижтимоий қўллаб-қувватлашда муносиб ҳисса қўшиб келаётган бир гуруҳ тадбиркорларга миннатдорчилик билдирилди. Бу ҳақда Ўзбекистон Республикаси Президентининг фармойиши эълон қилинган.

Тадбиркорларга “Энг кўп иш жойлари яратган тадбиркор”, “Энг яхши солиқ тўловчи” йўналишида ташаккурномаларни Бош вазир ўринбосарлари Сардор Умурзоқов ва Жамшид Қўчқоров топширди.